Nærbutikken Holmefjord er 12 år – no døgnopen og digital

Nærbutikken Holmefjord ligg som eit nav midt i Nore Fusa.

Jubileet blei feira med lykkehjul og quiz. Ungdommen på Nore Fusa vart tidleg invitert på dugnad og workshop for å gjere Nærbutikken Holmefjord klar til den store dagen. Ikkje mindre enn 25 flotte ungdommar stilte opp for nærbutikken sin! 

– Ungdommane gjorde ein fantastisk jobb. Etterpå kunne vi kose oss med bollar og brus, seier May Boge.

Mindre areal, meir triveleg hos Nærbutikken Holmefjord 

May Boge er oppteken av å skapa ei inkluderande atmosfære, ein trygg møteplass. I samband med endringane mot å bli døgnopen og delvis fjernbetjent butikk har fleire endringar vore gjort. Butikken var tidlegare på omtrent 150 m², no er salsarealet redusert til under 100 m².

– Vi gjorde ei undersøking, i samband med kjeda og Merkur, i den første fasen av prosessen. Der såg vi at dei aller fleste ynskte seg ein søndagsope butikk. Butikken har vorte veldig fin. Vi har klart å få plass til mykje varer – på liten plassseier May Boge.

Det resterande arealet er no blitt ein koseleg kaffikrok, romsleg og med godt om sitteplassar. 

– Vi bestemte oss tidleg for at vår visjon skulle vere nettopp «navet i bygda». Det skal vere ope for alle, utan invitasjon. Nærbutikken Holmefjord er den einaste faste møteplassen i bygda, seier May Boge.