Kontakt oss
LIBERTY NOW AS
Org nr 822 236 162 MVA
Hovedkontor
Televegen 5,
3802 Bø i Telemark,
Norge
Avdelingskontor
Calle Murillo 30,
03170 Ciudad Quesada Rojales,
Alicante Spania,
NIF: N0375699F
Org nr 822 236 162 MVA
Televegen 5,
3802 Bø i Telemark,
Norge
Calle Murillo 30,
03170 Ciudad Quesada Rojales,
Alicante Spania,
NIF: N0375699F
Med RMA-butikkstyring frå Liberty Now kan lokale kundar – pendlarar, bønder, fiskarar og brøytemannskap – no handle når det passar dei, heile døgnet.
02.07.2026
Tresfjord på Vestnes, i Møre og Romsdal, kan endeleg feire at SPAR Tresfjord er døgnopen og høgteknologisk med RMA-butikkstyring frå Liberty Now. Både butikk og bygd har venta på denne dagen.
Varaordførar Bjørn Inge Olsen hadde teke på seg det store smykket for høgtidelege høve, og snorklipping av bygda sin kjære SPAR Tresfjord vart ei høgtideleg stund. Høgtideleg nok i alle fall, med gladplast til snor og tapetkniv til klipping – i butikkdrifta si ånd.
Tidspunktet for feiringa er ikkje tilfeldig. I dag, 2. juli, opnar òg revyfestivalen Gapskratten 2026 – ein tradisjon med djupe røter i Tresfjord, på same måte som butikken sjølv.
Det er venta stort innrykk av folk i godt humør og feststemning dei næraste dagane.
Foto: Høgtideleg tale frå Varaordførar
SPAR Tresfjord er ein del av Gange Rolv AS, som er ein av dei største aktørane i daglegvarehandelen på Vestlandet.
– Vi gleder oss til å sjå effektane. Vi har allereie Joker Godøy med løysinga frå Liberty Now. Det kjem også to butikkar til i løpet av seinsommaren, SPAR Raudeberg og Joker Åheim. SPAR Tresfjord blir den første av våre butikka som er døgnope, seier Sverre Olav Sebjørnsen, Dagleg leiar i Gange Rolv AS.
Driftsleder i SPAR, Sindre Ringdal skryter av Laila og butikken.
– Vi er imponert over jobben Laila gjer for butikken og ikkje minst bygda. Vi håpar lokalbefolkninga tar vare på, og bruker, butikken sin, seier Sindre Ringdal.
RMA-butikkstyring inneber at kundane skannar eller tappar seg inn mot eit depositum på berre éi krone. I butikken er det montert fleire kamera, og butikken kan fjernbetenast frå kor som helst.
Butikken vil framleis ha si betente kjernetid. Når dei tilsette går heim, vert butikken fjernbetent. I den utvida opningstida har SPAR Tresfjord valt å nytte B2C-tenesta frå Liberty Now.
SPAR Tresfjord blir dermed den første butikken med RMA-butikkstyring i sitt nærområde.
Foto: Butikksjef Laila Jøsvoll ved ingangen
Butikksjef Laila Jøsvoll fortel at mange av dei lokale kundane har gleda seg til nyopninga.
– Vi har mange pendlarar, bønder, fiskarar, brøytemannskap og så vidare. Arbeidstida deira lèt seg ikkje alltid kombinere med opningstidene til butikken. Dei set pris på å få «sin eigen nøkkel til butikken», seier Laila Jøsvoll.
– Dei lokale kundane har eit eige eigarskap til butikken sin. Vi ynskjer å vere tilgjengelege. Det er jo eit supplement. Vi har også ein campingplass rett i nærleiken – dei har også behov for å utvide kjøleskapet sitt. Når butikken blir så tilgjengelig ser kundane på butikken som eit utvida kjøleskap, seier Laila Jøsvoll.
Foto: SPAR Tresfjord er rigga for framtida
Kommunikasjon, Liberty Now
Elisabeth Irene Hoel